Monday, June 30, 2014

Nighalo gheun dattachi palakhi

गुरुब्रह्मा गुरुर्विष्णु गुरुर्देवो महेश्वरः
गुरु साक्षात परब्रह्म तस्मै श्री गुरवे नमः

दिगंबरा दिगंबरा श्रीपाद वल्लभ दिगंबरा  -२

निघालो घेवून दत्ताची पालखी
आम्ही भाग्यवान आनंद निधान
झुलते हळूच दत्ताची पालखी
निघालो घेवून दत्ताची पालखी

दिगंबरा दिगंबरा श्रीपाद वल्लभ दिगंबरा  -२

रत्नांची आरास साज मखमली
त्यावर सुगंधी फुले गोड ओली
झुळूक कोवळी चंदनासारखी
निघालो घेवून दत्ताची पालखी

दिगंबरा दिगंबरा श्रीपाद वल्लभ दिगंबरा  -२

सात जन्मांची ही लाभली पुण्याई
म्हणून जाहलो पालखीचे भोई
शांतमाया मूर्ती पहाटे सारखी
निघालो घेवून दत्ताची पालखी

दिगंबरा दिगंबरा श्रीपाद वल्लभ दिगंबरा  -२

वाट वळणाची जीवाला या ओढी
दिसते समोर नरसोबाची वाडी
डोळियात गंगा जाहली बोलकी
निघालो घेवून दत्ताची पालखी

निघालो घेवून दत्ताची पालखी
आम्ही भाग्यवान आनंद निधान
झुलते हळूच दत्ताची पालखी
निघालो घेवून दत्ताची पालखी


दिगंबरा दिगंबरा श्रीपाद वल्लभ दिगंबरा  -२

गायक - अजित कडकडे
संगीत - प्रवीण दवणे
गीतकार - ?? 
 

Sunday, June 29, 2014

Hirva Nirsarg - Navra majha navsacha

हिरवा निसर्ग हा भवतीने जीवन सफर करा मस्तीने
मन सरगम छेडा रे जीवनाचे गीत गा रे
गीत गा रे धुन्द व्हा रे 


नवे पंख पसरा उंच उंच लहरा 
भिरभिरणारे गीत गा रे
गीत गा रे धुंद व्हा रे 

झु झु झु झु झु झु झु झु झु झु झु झु

गुलाबी हवा अशी मंद मंद वाहते
शराबी कळी  अशी चिंब चिंब नाहते
सुगंधी फुलांना नाश आज आली
सडा शिंपीला हा जणू प्रीतीने

रु रु रु रु रु रु रु रु रु रु .....

नव्या संगीतातले तराणे नवे असे
कुणी सोबती मला मिळाया हवे असे
जन्म हे जगावे विश्व हे बघावे
एकरूप व्हावे संग साथीने

हिरवा निसर्ग हा भवतीने जीवन सफर करा मस्तीने
मन सरगम छेडा रे जीवनाचे गीत गा रे
गीत गा रे धुन्द व्हा रे

गायक - सोनू निगम
संगीत  - ??
गीत - जगदीश खेबुडकर


Man udhan varyache

मायेच्या हळव्या स्पर्शानी खुलते 
नात्यांच्या बंधात धुंद मोहरते
मन उधान वाऱ्याचे गुज पावसाचे
का होते बेभान कसे गहिवरते
मन उधान वाऱ्याचे

आकाशी स्वप्नांच्या हरपून भान शिरते
हुरहुरत्या सांजेला कधी एकटेच झुरते
सावरते बावरते घडते अडखळते का पडते
कधी आशेच्या हिंदोळ्यावर मन हे वेडे झुलते
मन तरंग होवून पाण्यावरती फिरते
अन क्षणात फिरुनी आभाळाला भिडते 
मन उधान वाऱ्याचे गुज पावसाचे
का होते बेभान कसे गहिवरते
मन उधान वाऱ्याचे

रुणझुणते गुणगुणते कधी गुंतते हरवते
कधी गहिऱ्या डोळ्यांच्या डोहात पार बुडते
तळमळते सारखे बापडे नकळत का भरकटते
कधी मोहाच्या चार क्षणांना मन हे वेडे भुलते
जाणते जरी हे पुन्हा पुन्हा का चुकते
भाबडे तरी भासांच्या मागून पळते
मन उधान वाऱ्याचे गुज पावसाचे
का होते बेभान कसे गहिवरते
मन उधान वाऱ्याचे


गायक - शंकरमहादेवन
संगीत - अजय - अतुल

Saturday, June 28, 2014

Send your song requests here. आपणास हव्या असलेल्या गाण्यांची मागणी इथे करा

नमस्कार, आपल्यापैकी कुणाला जर एखाद्या गीताचे बोल हवे असतील तर या पोस्ट वर कोमेंट करा. आपल्या मागणीचे गाणे / गीताचे बोल ४८ तासाच्या आत देण्याचा मी प्रयत्न करील. धन्यवाद.
If you want the lyrics of any song, please send the song name by commenting on this post. I will try to give the full lyrics within 48 hours. Thank you.

Vithu majha lekurwala lyrics विठू माझा लेकुरवाळा

विठू माझा लेकुरवाळा
संगे गोपाळांचा मेळा 
विठू माझा लेकुरवाळा

निवृत्ती हा खांद्यावरी सोपानाचा हात धरी
पुढे चाले ज्ञानेश्वर मागे मुक्ताई सुंदर 
विठू माझा लेकुरवाळा

गोरा कुंभार मांडीवरी चोखा जीवा बरोबरी
बंका कडेवरी नामा करांगुळी धरी 
विठू माझा लेकुरवाळा

जनी म्हणे गोपाळा करी भक्तांचा सोहळा
जनी म्हणे गोपाळा करी भक्तांचा सोहळा
विठू माझा लेकुरवाळा संगे गोपाळांचा मेळा
विठू माझा लेकुरवाळा 

गीत - संत जनाबाई
गायिका - आशा भोसले
संगीत - नंदू होनप 

Sundar te dhyan ubhe vitevari - सुंदर ते ध्यान उभे विटेवरी

जय जय राम कृष्ण हरी जय जय राम कृष्ण हरी
जय जय राम कृष्ण हरी जय जय राम कृष्ण हरी

सुंदर ते ध्यान उभे विटेवरी
कर कटावरी ठेवोनिया
सुंदर ते ध्यान उभे विटेवरी

तुळसीहार गळा कासे पितांबर
आवडे निरंतर तेची रूप
सुंदर ते ध्यान उभे विटेवरी

मकर कुंडले तळपती श्रवणी
कंठी कौस्तुभ मणी विराजित
सुंदर ते ध्यान उभे विटेवरी

तुका म्हणे माझे हेची सर्व सुख
पाहीन श्रीमुख आवडीने
सुंदर ते ध्यान उभे विटेवरी 
सुंदर ते ध्यान उभे विटेवरी 

अभंग - संत तुकाराम महाराज
गायिका -मा. लता मंगेशकर
संगीत - अनिल - अरुण

Friday, June 27, 2014

Bhakt Pundalika Sathi Ubha Rahila Vitevari - भक्त पुंडलिका साठी उभा राहिला विटेवरी

भक्त पुंडलिकासाठी उभा राहिला विटेवरी
धनी मलाही दाखवा ना  विठूरायाची पंढरी

तिथ नांदतो श्रीहरी हिला दाखवा पंढरी -२

तो भक्त पुंडलिक होता पापी आणि दुष्ट
आई बापाची केली सेवा सारे पाप झाले नष्ट
भक्ती पाहून भक्ताला आला भेटाया श्रीहरी
धनी मलाही दाखवा ना  विठूरायाची पंढरी

तिथ नांदतो श्रीहरी हिला दाखवा पंढरी -२ 

एका वेश्येची मुलगी भक्ती करून धन्य झाली
कान्होपात्राला देवान मंदिरात जागा दिली
संत चोखोबा शेजारी आहे नामदेव पायरी
धनी मलाही दाखवा ना  विठूरायाची पंढरी

तिथ नांदतो श्रीहरी हिला दाखवा पंढरी -२  

सखुबाई जनाबाई मुक्ताबाई बहिणाबाई
त्यांचे अभंग ऐकुनी मन आनंदित होई
हरी नामाच्या गजरात सुख मिळेल संसारी
धनी मलाही दाखवा ना  विठूरायाची पंढरी

तिथ नांदतो श्रीहरी हिला दाखवा पंढरी -२ 

भक्त पुंडलिकासाठी उभा राहिला विटेवरी
धनी मलाही दाखवा विठूरायाची पंढरी
तिथ नांदतो श्रीहरी हिला दाखवा पंढरी -२ 

(श्रेय मूळ गीतकार, संगीतकार, गायक यांना. नावे माहिती असल्यास सुचवावे)